Վերապատրաստում ԱԱՊ օղակի բժիշկների համար
2024 թվականի սեպտեմբերին մեկնարկել է «Զարգացնել ԱԱՊ օղակի բժիշկների կարողությունները հոգեկան առողջության ոլորտում․ ճանաչում, առաջնային օգնություն և ուղղորդում» վերապատրաստման ծրագիրը։ Այն իրականացվում է Հոգեկան առողջության հայկական ասոցիացիայի կողմից, Եվրոպական միության ֆինանսական աջակցությամբ «Իրավունքներ, ծառայություններ, մասնակցություն. Հայաստանում հոգեկան առողջության համապարփակ շրջանակի խթանում» ծրագրի շրջանակում։
Վերապատրաստումը նախատեսված է առողջության առաջնային պահպանման ծառայություններ մատուցող բժշկների համար և անցկացվում է 3 փուլով։
Դասընթացի արդյունքում ընտանեկան բժիշկները ձեռք կբերեն տեսական և պրակտիկ գիտելիքներ մի շարք հոգեբուժական խանգարումների վերաբերյալ, կկարողանան ճանաչել դրանք, ճիշտ օգնություն տարմադրել և ուղղորդել։ Ինչպես նաև ընտանեկան բժիշկները գիտելիքներ ձեռք կբերեն իրենց աշխատանքային գործունեության ընթացքում պացիենտների հետ արդյունավետ հաղորդակցման շահեկանության, եղանակների և հնարների մասին։
Վերապատրաստման ծրագրի թեմաներն են․
- Դեպրեսիա
- Տագնապային խանգարումներ։ Կոնվերսիոն դիսոցիատիվ
- խանգարումներ
- Հետծննդյան խանգարումներ
- Պացիենտների հետ հաղորդակցվելու հմտություններ
- Համապարփակ հոգեբուժություն
- Հետտրավմատիկ սթրեսային խանգարում
- Կախվածություններ
- Աուտիզմ
- Նեյրոկոգնիտիվ խանգարումներ
- Կպչուն-սևեռուն խանգարումներ
- Փսիխոտիկ էպիզոդ
- Ինքնասպանություն
- ՈՒշադրության պակասի/hիպերակտիվության խանգարում և
- դիսլեքսիա
- Սննդային վարքի խանգարումներ
Հանդիպումներն անցկացվում են Ծաղկաձորում, Վանաձորում ու Ջերմուկում։
Ծրագրի շրջանակում վերապատրաստվել է 45 բժիշկ ՀՀ բոլոր մարզերից։ Ծրագիրը կավարտվի 2025 թվականի դեկտեմբերին։
«Իրավունքներ, ծառայություններ, մասնակցություն. Հայաստանում հոգեկան առողջության համապարփակ շրջանակի խթանում» ծրագիրը ֆինանսավորվում է Եվրոպական միության կողմից և իրականացվում է՝
- Հելսինկյան քաղաքացիական ասամբլեայի Վանաձորի գրասենյակ
- Հոգեկան առողջության հայկական ասոցիացիա
- Ժողովրդավարության զարգացման հիմնադրամ
- «Հաշմանդամություն ունեցող անձանց իրավունքների օրակարգ» իրավապաշտպան ՀԿ -ի գործընկերությամբ։