Ընտանեկան բռնությունը (ԸԲ) մարդու իրավունքների խախտում է, որը կործանարար ազդեցություն ունի կանանց և երեխաների, ընտանիքների և առհասարակ հասարակության վրա: ԸԲ-ը տուժողների կյանքն ու առողջությունը սպառնալիքի տակ է դնում:

Սույն ստանդարտ աշխատանքային ընթացակարգերի ուղեցույցը նկարագրում է ընտանեկան բռնության կանխարգելման ու արձագանքման հիմնարար սկզբունքներն ու մեխանիզմները չորս հիմնական ոլորտներում՝ առողջապահական, սոցիալ-հոգեբանական, իրավական և անվտանգության ապահովման։ Բոլոր այս ոլորտներում սոցիալական աշխատողի մասնակցությունը խիստ անհրաժեշտ է, իսկ նրա դերը՝ անչափ կարևոր: